Քո առողջությունը. հորանջելիս ցավում է

ՀԱՐՑ: Երբեմն հորանջելիս ստորին ծնոտս ասես քարանում է. չեմ կարողանում միանգամից բերանս փակել: Շատ ցավոտ է: Ի՞նչն է պատճառը:

ՊԱՏԱՍԽԱՆ: Հավանաբար քեզ մոտ ստորին ծնոտի հոդաբորբ է: Պատճառը կարող է լինել ոչ կանոնավոր ատամնանստվածքը, որի դեպքում խախտվում է ատամների միակցման բարձրությունը, ինչպես նաև՝ ատամների պաթոլոգիական քայքայումը, ծնոտի զարգացման խանգարումները, նյարդային համակարգի խախտումները (սթրեսի հետ կապված): Հորանջելիս բռունցքով պահիր ստորին ծնոտդ և աշխատիր բերանդ շատ լայն չբացել: Սնունդն ընդունիր փոքր չափաբաժիններով. խուսափիր ընկուզեղենից, չոր հացից: Բնականաբար, հնարավորինս շտապ դիմիր ստոմատոլոգի: Նա կպարզի իրական պատճառը և բուժում կնշանակի:

Հարցեր, պատասխաններ, մեկնաբանություններ